Danmörk Vs. Spánn

Now playing: Obviously - McFly

Ég nenni varla að segja frá mínu daglega lífi lengur....um hvað get ég bloggað?...nenniði að commenta og koma með einhverjar hugmyndir! Það er ekkert gaman að lesa um það sem ég geri dagsdaglega!

Mig langar aðeins að ræða um júróvision Ég hef svo sem ekki séð mikið af þeirri umræðu sem er í gangi þessa dagana en hún er misskemmtileg, og þá þykir mér allra hallærislegast það sem Gillznegger eða hvað hann nú kallar sig er að segja um og við Friðrik Ómar og Regínu Ósk. Getur hann ekki bara sætt sig við að hafa ekki unnið og komist í keppnina úti? Bara sorry kallinn þetta gekk ekki í þetta skiptim, reyndu bara aftur. Einnig hef ég heyrt að Gillznegger hafi verið eithvað sár út í Friðrik Ómar fyrir að segja "bilur hæst í tómri tunnu"....ég meina hvað er það í þessum orðum sem að særir hann svona?....það er ekkert meiðandi í þessum orðum.

Now playing: Right next to the right one - Tim Christensen

Að öðru Það er ekki nema tæpur mánuður í Spánar ferðina. Ég get varla beðið og hlakkar mig ótrúlega mikið til. Við erum að vísu ekki búnar að vera nógu duglegara að safna en við getum kennt sjálfum okkur um, við höfum einfaldlega ekki nennt þessu, og ég veit að það eru margar sem eru búnar að vera duglegri en ég (þó ég sé búin að vera nokkuð dugleg) en það eru ennþá fullt af stelpum sem mega fara að lifna við og vera duglegri.

Svo fór ég að hugsa það um daginn að það eru ekki nema bara örfáir kennsludagar eftir af skólanum, og þá er 3ja árinu hjá mér lokið....vá þetta flýgur áfram, og það styttist í útskrift....ekki nema rúmt ár. En Anna Heiða og Áslaug þykjast ætla að útskrifast í vor og ég skil ekki hvaða leiðindi það eru að skilja mig eina eftir

En rosalega langar mig til Danmerkur þessa stundina, er farin að sakna ykkar óstjórnlega mikið En það er víst ekki mikið annað að gera í því en að bíða eftir sumrinu.....þá loksins sé ég þessa yndislegu fjölskyldu. En hvernig væri að fara að henda inn einu bloggi eða svo Stefán? Enginn þrýstingur samt, bara smá uppástunga

Talandi um fjölskylduna í Danmörku, það styttist í að Sæja systir útskrifist úr Þroskaþjálfanum, og þá ætlar hún til útlanda í langt ferðalag, hvað á ég að gera á klakanum án beggja stóru systra minna?...það verður sennilega menningarlegt stórslys á Íslandi. Ég verð víst þá bara að gerast elsta systirin og vera mjög cool á því ætti ekki að vera í vandræðum með það

Now playing: Talking to you - Jakob Sveistrup

Það má segja að það sé danskt þema í þessari færslu bæði í tónlist og rituðu máli.

Skelli hérna inn myndbandi með dönsku júróvisjon lagi (merkilegt hvað það hafa komið mörg skemmtileg lög frá þeim undanfarið)

Læt þetta gott heita í bili

| Alla |

 

hitt og þetta

Já sæll, nú er kominn miðvikudagur og það fer að styttast í árshátíðina

Ég keypti mér þennan dýrindis kjól á sunnudaginn og svo skó og eyrnalokka á mánudaginn Svo nú verður maður algjör prinsessa á árshátíðinni!

Næstu helgi ætla ég að vera heima hjá mér að mestu, þ.e. ég er að vinna fram að hádegi á laugardag og sunnudag, og svo bara ein heima með Adda litla bróa......því foreldrar oss ætla að skella sér á Akureyri

Það eru víst Opnir dagar í næstu viku og ætla ég að gera eithvað skemmtilegt! Veit ekki alveg hvað það á að vera

Ég sem sagt skellti mér til RVK á mánudaginn ásam Önnu Heiðu, Ester og Margréti Öldu og gerðum við hin ágætustu kaup í borginni, allavega Anna Heiða Svo enduðum við á því að skella okkur í bíó og sáum myndina Coverfield að ég held, og ég verð nú að segja fyrir mitt leiti að ég hef séð þær betri

En ég held ég fari að láta þetta gott heita og fari að læra í þýsku

hitt og þetta

Já ég er að tala við Áslaugu...

...og það á msn

En af mér er að frétta að ég er að drukna í skóla, fótbolta og vinnu! En það eru bara svona 2 mánuðir eftir af skólanum

En ekkert nema gott um það að segja!

Það bíða mín víst tvö próf í þessari viku og ekki eru þau af léttari endanum, sál 383 og nát 103, en ég hlýt að rúlla þeim upp!

Fór í þýskupróf í síðustu viku og fékk 5, ja betra en ég bjóst við þar sem þetta var drullu erfitt próf.

Sál mín er vonandi að taka við sér þessa dagana eftir heldur daprar vikur og leiðinlegar.

Svo hvet ég alla til að mæta á Kaffihúsið Skrúðgarðinn á Akranesi á fimmtudagskvöldið, við stelpurnar í fótboltanum erum með kaffihúsakvöld og er þetta hugsað sem fjáröflun fyrir utanlandsferð okkar til Albir á Spáni í mars!

nánar á http://skagastelpur.bloggar.is

Annars er held ég bara ekkert að frétta af mér. Frekar döpur helgi svona en ég bæti úr því á árshátíðinni, þar sem Anna Heiða ætlar að vera í prinsessukjól og Einar fer í jakkaföt og drullar sér á árshátíð!

Ég er farin að plana fram í tímann og er planið að fara á þorrablót í Århus City á næsta ári

 Annars bið ég bara að heilsa heiminum og heyri í ykkur við tækifærilæri!

kv. Alla

 

 

Allir að tékka

http://www.fotbolti.net/fullStory.php?action=viewStory&id=57921

Ég legg til að allir kíkji á þennan link

Þetta er gott og ítarlegt viðtal við Halla fótboltaþjálfarann minn um það sem er að gerast í fótboltanum hjá okkur stelpunum

Lærdómur, fótbolti og áta

Jæja þá er kominn tími á nýtt blogg

Það er víst kominn mánudagur enn og aftur og þýðir það bara að anna söm skólavika er tekin við. Ég var farin að hlakka til voða rólegrar viku þar sem ég hefði nægan tíma til að læra fyrir þýskuprófið sem er á fimmtudaginn, því ég var svo dugleg síðasta föstudag að klára tvær skýrslur og einn kvikmyndadóm um sögulega kvikmynd í sag 313, en nei ég kem í skólann í morgun og fyrsti tími hjá mér er enska, hún Ludmila hellir yfir okkur verkefnum, en hvað um það, svo fer ég á fótboltaæfingu eftir skóla og þá er ég valin í meistaraflokks hópinn sem er að fara að spila á morgun í Hafnarfirði, og það setur allt úr skorðum, en ég get ekki verið annað en ánægð með það að hafa komist í hópinn og ætla ég að halda áfram að bæta mig og vera dugleg að mæta á æfingar, þannig að núna þá hef ég bara miðvikudaginn til að læra fyrir þetta blessaða þýskupróf en það verður að hafa það í þetta skiptið.

En hvað er annars að frétta af ykkur?

Þetta var svona frekar feit helgi hjá mér, eða þannig séð. Ég var að keppa í fótbolta á föstudagskvöldið (skulum ekki hafa fleir orð um það) og svo var ég ekki komin heim á Hvanneyri fyrr en kl. svona hálf 12. Auðvitað vakti maður fram eftir, en á laugardagsmorgun vaknaði ég um 11 og fór í sturtu og svo upp að Hálsum til að hjálpa mömmu með kransakökuna sem hún var að baka fyrir skírnina hjá Arnari, svo var brunað heim í sparifötin og aftur upp að Hálsum í veisluna, drengurinn sem verið var að skíra heitir Víðir Elís og er algjört krútt. Þegar veislan var búin brunaði ég strax í vinnuna og var komin bara akkúrat á mínútunni, var að vinna til hálf 12 og fór svo heim að sofa því ég þurfti að mæta í vinnuna á sunnudagsmorgun kl. hálf 8. Þar sem það var mikil hálka og bíllinn ekki á bestu dekkjum í heimi þá vaknaði ég kl. 20 mín í 7 og fór á fætur, lagði af stað svona 10 mín í 7 og keyrði bara í rólegheitunum, svo var bara unnið þar til hálf 4 og þá brunað heim og beið mín þar bollukaffi, svo þegar ég var nú bara búin að borða svoldið sagði pabbi að við værum að fara í matarboð því hann Óli pabbi Stefáns hefði orðið 50 ára daginn áður. Við mættum þangað og fengum rosa góðann mat og ég borðaði eins og enginn væri morgundagurinn. Svo var það körfuboltaleikur sem enginn vill tala um, en djöfull vona ég að Snæfell taki þessa blessuðu dollu

Svo var það bara skaginn á bíl sem ég hélt að væri að detta í sundur, en hann er enn á lífi blessaður.

En ég held ég fari að láta þetta gott heita, bið að heilsa til himna.

Leggið ykkur nú vel í nótt börnin góð.

kv. Alla

p.s. Anna Heiða þú veist hver biður að heilsa hann er alltaf að skoða bloggið þitt

sæt eða hvað?

komin

jæja gott fólk vildi bara segja að ég komst hingað inn og ætla því að halda áfram að blogga hér;)

Samantekt af ýmissi vitleysu, en aðallega leiðindum

Ég er að hugsa um að skella inn hér nokkrum línum!

Eða kannski ég hafi það bara punkta

• Það er kominn 1. febrúar 2008
• árið er alveg að verða búið
• Siggi Palli varð 19 ára í gær (31. janúar)
• Helging fór í:
• Leti á föstudagskvöldið og horfa á körfuboltaleik
• Borgarnes á laugardagsmorgun
• Leti fram á miðjan dag
• Reykjavík með Ester og Önnu Heiðu, með smá stoppi á Akranesi til að borða (held það kallist þynnku borgari)
• Þjóna á Broadway kl. 17:00- 23:20
• Já ég vann í svona 6 klst samanlagt, Ester og Anna unnu í 40 mín því þær voru settar bakvið og hótað lífláti
• Kíkti í afmæli til Sæju systur en þar sem ég var með Ester og Önnu í bíl þá gat ég ekki stoppað í nema 5 mínútur eða svo, þó ég hefði viljað vera lengur eins og í fyrra
• Brunað upp á Hvanneyri, og svo brunað upp í Húsafell með stoppi á Þorrablóti í Brún
• Djamm í Húsafelli
• Það vildi enginn djamma með mér þegar klukkan var orðin hálf 5 svo þá dó partýið
• smá rifrildi um rúm
• sunnudagur fór í að sofa yfir sig, missa af fótboltaæfingu, keyra upp á Hvanneyri í brjáluðu veðri, leggja sig, og svo körfuboltaleikur þar sem Skallagrímur vann ÍR
• Mánudagur - miðvikudagur: leiðindi, fótbolti, skóli, láta sér leiðast, læra, vera í fílu og svoleiðis leiðindi.
• Fimmtudagur: Skóli, þar sem ég vildi ekki kenna náttúrufræðikennaranum að brugga áfengi, eldaði nautakjöt ásamt Önnu Heiðu og hún gerði geggjaða piparostasveppasósu og sætar karteflur, fótboltaæfing, sturta, láta flétta hárið á mér, flétta hárið á 3 manneskjum, horfa á despó, borða osta og kex og vínber, kúra, hlæja af vitleysunni í Arnari poppins (Höglu)
• Föstudagur: við sjáum hvað hann ber í skauti sér...sennilega frost, fótboltaleik, skóla, heimalærdóm og að krókna úr kulda!

En annars held ég að ég hafi ekkert meira að segja nema það að ég vil óska honum Arnþóri til hamingju með litlu stelpuna sína

Og svo er það bara að lifa í friði það sem eftir lifir vikunnar

Góða nótt, eða ég er ekki farin að sofa þar sem ég er ekki vitund þreytt!

Og koma svo Harlev...Oddný og Stefán ef þið lesið þetta

Alla alvarlega

Hún á afmæl' í dag, hún á afmæl' í dag, hún á afmæl' hún Sæja, hún á afmæl' í dag

Þessi blogg færsla verður í styttri kantinum að þessu sinni þar sem ég er mjög busy manneskja, en mig langar nú samt að tileinka hana Særúnu systur minni sem jú er 25 ára í dag!

Til hamingju með afmælið elsku systir!

Hún Særún bauð mér í afmælisveislu til sín og vildi ég gjarnan fara þangað en þar sem ég er mjög busy manneskja þá buðust mér þrír hlutir að gera í kvöld, það voru að vinna á Broadway, Þorrablót í Brún og síðast en ekki síst afmæli hjá henni Sæju! En ég var því miður búin að plana fyrir löngu að taka að mér þessa vinnu á Broadway því ég þarf jú að safna upp í þessa blessuðu fótboltaferð sem ég er að fara í.

En Særún þú færð bara gjöfina þína síðar, þar sem ég held ég komist ekki til þín í dag (þú átt hérna lítinn og sætann pakka hjá mér, þó svo að þú fáir líka gjöfina frá mér sem mamma og pabbi ætla að gefa þér)

Þarna er þessi elska ásamt Imbu

jólaleg er hún

kv. Alla

Festingar, náttkjólamátun og partý

Ég er enn á lífi þó litlu muni

Ég er sem sagt búin að vera tölvulaus síðan ég kom heim frá Danmörku, en núna pikka ég þetta blogg á glæ nýtt lyklaborð og munurinn er þvílíkur

En af mér er að frétta að þar sem ég hef verið tölvulaus fyrstu tvær vikurnar í skólanum þá er ég lang komin með allar skólabækurnar, því ég hef ekki haft neitt að gera á þessum blessaða Skaga!

Var að fá fótboltann metinn inn sem einingu og þá voru íþróttirnar mínar teknar út, en það er allt í lagi því þá þarf ég ekki að vera í skólanum til 5 á mánudögum og þriðjudögum. Ótrúlegt en satt þá leggst skólinn ótrúlega vel í mig þessa önnina og mér þykir skemmtilegt í nánast öllum tímum, eiginlega öllum nema ísl 403. Auðvitað er sagan alltaf skemmtilegust

Síðasta vika einkenndist af sleepover, náttkjólamátun og skeggjanarti Já einhverjir vita um hvað ég tala og þetta var mjög fyndið! Ég fékk sem sagt góða gesti í heimsókn til mín og brölluðum við ýmislegt skemmtilegt.

við brölluðum til dæmis þetta að Einar mátaði náttkjólinn hennar Esterar sem náði henni niður að hnjám en er eins og stuttermabolur á Einsa klikk

En í gær þá var bústaða ferð upp í Munaðarnes. Þar var hið ágætasta partý og var nóttin ansi löng þar sem ég fór ekki að sofa fyrr en klukkan var að verða hálf 8 eða 8. Svo vaknaði ég klukkan svona hálf 11 og fór að taka smá til og pakka niður til að gera mig tilbúna til heimferðar ásamt Ester, meðan við vorum að taka til þá skreið hver á fætur öðrum fram úr rúminu og bauð góðan daginn. Við Ester fórum út og okkur til mikillar hamingju þá var bíllinn fastu. Við fórum og spjölluðum við Önnu Heiðu, Einar, Valda og Margréti. Valdi var svo yndislegur við okkur að vera tilbúinn að losa bílinn fyrir okkur, hann steig inn í bifreiðina og þetta leit ljómandi vel út en svo fór bíllinn að fara til hliðar og þá var ekki aftur snúið....hann var pikkfastur! Hafist var handa við að draga hann upp og það tókst á endanum eftir svona klukkutíma. En málið var að þetta var ekki í fyrsta sinn í þessari ferð sem við festum okkur, við nefninlega festum okkur rétt hjá Hvítárvöllum á leiðinni í bústaðinn en Ester ofurbílstjóri komst í gegnum skaflinn eftir smá stund;) En þetta var hið fínasta partý og var farið í pottinn og spilað á gítar og sungið eftir eigin nefi, ég af öllum manneskjum fór í gegnum heila möppu af söngtextum og söng flest þeirra:) þið getið rétt ímyndað ykkur

En ég vil þakka fólkinu fyrir helgina

Áramótamatur!

Gleðilegt ár gott fólk

 

 

Eins og áður segir þá eyddi ég áramótunum í Danmörku...réttara sagt Århus City! Þetta voru hin notalegustu áramót og var mikið sprengt fyrir lítinn pening

Við sem sagt byrjuðum gamlársdag á því að gera stórinnkaup í Bilka! Þar gat ég verslað mér eina peysu, eina skó og þrennar buxur! Svo var verslað í matinn fyrir áramótin og allskonar hattar og grímur voru keyptar!

Svo var haldið í einhverja búð þar sem við tókum okkur lista í hönd og merktum inn þá flugelda sem við vildum kaupa, við keyptum heilann helling og svo var brunað út í sveit og flugeldarnir sóttir, sniðugar þessar baunir að hafa þetta svona afsýðis

Við fengum þennan dýrindis áramótamat, hann var reyndar með töluvert öðru sniði en ég á að venjast! Við héldum að þetta væri nautakjöt og gæs og borðuðum það með bestu list og þótti mjög gott (sem maturinn jú var) en þegar við grensluðumst nánar fyrir um hvað þetta væri þá var okkur sagt að þetta hefði verið

Strútur

og

keingúra

Já þetta var áramótamaturinn minn ásamt gæsinni

Ég legg til að þið smakkið þetta

Svo fórum við upp á hól með alla flugeldana í barnakerru (börnin voru látin labba) og sprengdum eins og við ættum lífið að leysa!

Dagurinn í dag fór svo í að versla og eyddi ég 6 klst í miðbæ Århus og verslaði af mér rassgatið.....ég náði að eyða næstum öllum peningnum mínum sem í upphafi var 50.000 kr og er takmarkið að eyða honum og jafnvel gott betur!

En ég held ég láti þetta gott heita í bili og fari að blanda geði við fólkið að vafra um vefinn lengur!