Flutt

Ég vil bara benda þeim sem hafa verið að skoða þess síðu að ég hef flutt mig um set og er á http://allakr.blogspot.com

Endilega kíkið á mig þar:) Reyni að vera dugleg!


Nýr diskur og brúðkaup!

Þá er víst komið að því að þessi flotti maður gangi í heilagt hjónaband! Ég efast ekki um að það verði flott brúðkaup en ég verð að viðurkenna að mér þykir það svoldið miður að hann sé að fara að gifta sig, en að sama skapi gleðilegt!

Hinsvegar þykir mér mun gleðilegra að hann sé að gefa út disk og ætla ég að kaupa hann um leið og hann kemur í búðir! Ég hef heyrt tvö lög af honum og þykir mér þau nokkuð góð, sérstaklega þá lagið sem samið er fyrir fangana á Litla Hrauni, það er rosalega fallegt!

En annars til hamingju með afmælið Bubbi og giftinguna á morgunKissing


mbl.is Bubbi Morthens á afmæli í dag
Tilkynna um óviðeigandi tengingu við frétt

Þriðjudagur til þvotta

Þriðjudagur til þvottaTounge

Góðan daginn landsmenn!

Það er víst kominn þriðjudagur og maí mánuður alveg að klárast! Ég kláraði prófin 13. maí og gekk það bara eins og best var á kosið. Eftir að prófin kláruðust hefur líf mitt aðallega snúist um fótbolta og vinnu! Ég hélt ég ætti að vera í fríi til 3 júní en alltaf var einhver aukavinna (sem er bara hið besta mál) og ég vann alla síðustu viku fyrir utan föstudaginn. Ég er nú í fríi í dag og er það unaður!

Á föstudaginn fór ég til Vestmannaeyja að keppa í fótbolta, sá leikur fór ekki vel og við ræðum hann ekki meir! Í gær var ég líka að keppa í fótbolta og sá leikur fór heldur ekki vel, enda fáliðaðar og margir leikmenn bara hálfir, þar á meðal ég! Þar sem ég þurfti að fara út af í hálfleik því ekki gat ég hlaupið meir!

Ég ætla mér ekki að tala um Júróvisjon í þessari færslu því nóg þykir mér talað um þá keppni á öðrum síðum veraldarvefsinsWink

Það er víst að koma júní og þann 3 júní byrjar ég á fullu að vinna! Næstu helgi er stefnan að fara norður á Akureyri á föstudaginn og í fermingarveislu þar á laugardaginn, koma svo heim á laugardagskvöld og fara í fermingu á sunnudagskvöldSmile Eintóm sæla þar á ferðGrin

Svo styttist í að Særún Ósk útskrifist úr Kennaraháskólanum sem Þroskaþjálfi og verður haldin veisla henni til heiðurs!

Anna Heiða og Áslaug voru að útskrifast á laugardaginn og vil ég óska þeim til hamingju þó ég sé nú búin að því oft nú þegar! En sérstaklega vil ég óska Önnu Heiðu til hamingju með kossinnWinkGrin I think she is in loveInLove

12. júni að ég held er margt og mikið að gerast í mínu lífi. Ég byrjar daginn bara ósköp venjulega og fer í vinnuna kl. hálf 8, svo eru James Blunt tónleikarnir um kvöldið og eftir því sem ég best veit eru Oddný, Stefán, Ásrún Adda og Þóra Kristín að koma til Íslands í heimsókn þann dag og ætla að vera í 10 daga eða svoGrin I'm looking forward to it!

Maður er öll komin í enskusletturnar þar sem fótboltaæfingar einkennast af því að tala íslensu og ensku í bland því ég verð jú að tala við hana Marciu líkaGrin

Stjörnuspáin mín:

MeyjaMeyja: Einhver þarf á stuðningi þínum að halda. Eftir öll þú grettistök sem þú hefur lyft í lífinu, er ekki nema von að leitað sé til þín. Hjálpaðu, en vertu bara stuðningur.

Einhverra hluta vegna held ég að manneskja sem ég þekki þurfi stuðning minn núna!

Ég er alveg miður mín þessa stundina því ég kláraði rétt í þessu að horfa á 2. seríu af Grey's Anatomy og ég á ekki fleiri séríur svo ég veit ekki hvað ég á af mér að gera. Ég fór til dæmis að þvo þvott, enda þriðjudagur og hann er tilvalinn í að þvo þvott! Svo fór ég að horfa á Sex and the city AFTUR!

Talandi um Sex and the city! Myndin verður frumsýnd á föstudaginnGrin GrinGrinGrin

Ég get ekki beðið eftir að komast í bíó og sjá þessa mynd sem ég efast ekki um að sé góð, enda leikur eiginmaður minn og draumprins í henniInLove

En ég held ég láti þetta duga í dag, þarf að fara að koma mér á æfingu!


Sumarið er tíminn....

np: Home - Michael Bublé

Þá er víst sumardagurinn fyrsti afstaðinn og var hann 24. apríl, þann sama dag varð ástkær systir mín hún Oddný Eva 30 ára. Til hamingju með það Oddný. Mér þykir afskaplega leiðinlegt að geta ekki verið í afmælisveislu hjá þeim skötuhjúum núna um helgina, en það er víst ekki allt hægt.

Fyrst að sumardagurinn fyrsti er liðinn þá hlýtur að vera komið sumar. Þetta hefur verið ansi kalt sumar það sem af því er liðið en það fer vonandi að skána. En þar sem það er komið sumar er alveg hellingur framundan hjá mér og hugsa ég að þetta endi bara í punktafærslu hérna hjá mér:)

  • Skólinn kláraðist í gær!
  • Fyrsta prófið af 3 á fimmtudaginn 8. maí
  • og svo próf 13 og 14 maí
  • Þá er komið sumarfrí
  • Fótboltaæfingar á nánast hverjum degi
  • húsmóðir núna fram á laugardag því mamma er á Ísafirði
  • vinna um helgina
  • læra fyrir próf í næstu viku
  • og svo ein heima með Andrési og Sæju frá miðvikudeginum næsta og fram á mánudag
  • læra fyrir próf þá
  • Byrja í fótboltanum á fullu
  • reyna að halda mér í meistaraflokkshópnum áfram (er eins og er í byrjunarliðinu)
  • James Blunt tónleikar 12. júní
  • Oddný og Stefán að koma heim í kringum 12. Júní
  • Sæja að útskrifast 14. júní
  • Anna Heiða að útskrifast 24. maí
  • Vestmannaeyjar að keppa í kringum 24. maí
  • fótbolti
  • fótbolti
  • vinna
  • fótbolti
  • vinna
  • fótbolti
  • smá djamm kannski
  • vinna
  • fótbolti;)

Já gott fólk þetta verður skemmtilegt sumar held ég þó svo að það verði ábyggilega frekar erfitt:) En maður verður kannski í ennþá betra formi eftir það.

Langar að deila með ykkur að ég hef lést um 8 kíló frá jólum og eru sögusagnir um það í Borgarfirði að ég þjáist af Anorexiu. Ég vil leiðrétta þann misskilning, sökina á því að ég léttist svona á Haraldur Sigfús Magnússon knattspyrnuþjálfari.

En ég held ég láti þetta gott heita í bili og fari að sinna heimilisstörfunum;)


Alveg föst við skjáinn

Já þegar ég kom frá Spáni þá slysaðist ég til að kaupa mér fyrstu seríuna af Grey's Anatomy og var ég að ljúka við að horfa á hana núna áðan og get ég ekki annað sagt en að ég sé alveg húkt á þessum þáttum og get ekki beðið eftir að fá seríu nr. 2 en ég ætla einmitt að byðja mömmu og pabba að kaupa hana í Svíþjóð þegar þau fara þangað eftir hálfan mánuð eða eithvað álíka!

Og svo langaði mig líka að deila því með ykkur að ég held að Oddný systir og Co. séu að koma heim 12. júní en þann sama dag er ég einmitt að fara á tónleika með Bluntinum í Lagardalshöll!

en annars læt ég þetta gott heita og ætla að fara að læra fyrir próf eða eithva álíka sniðugt:)

kv. Alla


Spánn ferða saga

Úff þá er ég komin í kuldann!

Ég er að hugsa um að hafa þetta punkta blogg og segja í stuttu máli frá því sem gerðist á Spáni·         Ferðin hófst kl. 10:00 á laugardagsmorgni. Kata, Vignir, Ester og Margrét Alda komu og sóttu mig og við lögðum í hann út á Akranes!·         Vorum mætt kl. 11:00 upp á Jaðarsbakka þar sem okkar beið rúta og voru skvísurnar farnar að streyma inn, eithvað misskildi Húlli (Halli og Lúlli) tímasetninguna og voru aðeins seinir, en það kom ekki að sök!·         Við vorum komin út á Sendgerðisflugvöll rétt um  1 leitið og fórum bara beint í það eiginleg að bóka okkar inn og fara að skoða fríhöfnina!·         Eithvað voru skagastelpur að missa sig í sólarvörninni og ekki veitti af! 

·         Ég og Daisy tókum upp á því rétt áður en að við fórum út í flugvél að troða framan í okkur páskaeggi við mikla lukku viðstaddra!

·         Ekkert merkilegt gerðist í flugvélinni og vorum við komnar til Spánar eithvað um 9 eða 10 leytið um kvöldið að spænskum tíma.·         Vi ð fórum beint til Albír og upp á hótel þar sem beið okkar kvöldmatur·         Svo var bara að koma sér fyrir·         Á sunnudagsmorgun átti Ester afmæli en það var sko ekki verið að halda þennan dag hátíðlegann, nei við mættum á æfingu kl. 10:00 og svo aftur eithvað um 16:00! (svona voru allir dagarnir eiginlega)·         Mánudagurinn var minnir mig notaður í að tana bara vel og æfa tvisvar þennan daginn! Það var mikil sól og gott veður eins og flesta daga!·         Þriðjudagurinn var einnig notaður í tan og æfingar! Ég held að þennan dag hafi ég fengið yfir mig vatns gusu, mér til mikillar mæðu!·         Á miðvikudag var bara ein æfing því síðar um daginn var farið í mollið Benedorm og þar var verslað frá sér nánast allt vit!·         Fimmtudagurinn fór einnig í smá verslunarleiðangur á milli æfinga og var klárað að versla það sem við þurftum (eða það héldum við)·         Á föstudaginn var æfing um morguninn en seinnipartinn var farið í Terra Medica og þar slettum við aldeilis úr klaufunum! Síðar um kvöldið fórum við allar saman út að borða og svo slettum við aðeins úr klaufunum!·         Laugardagurinn var heldur leiðinlegur, eða allavega fyrir okkur eldir! Við spiluðum á æfingu eldir Vs. Yngri og skoraði ég eina mark okkar eldri með góðu poti fram hjá Halla (sem þykist hafa átt leik upp á 10, ekki alveg sammála því)...þessu marki var fangað eins og vera ber og komu allar stelpurnar í liðinu og jöckuðu migJ hahaha svona vil ég hafa þetta í hverjum einasta leik! En yngri stelpurnar sýndu mikinn karakter og skoruðu 3 mörk á okkur eldri, ekki skil ég þó hvernig þær þorðu að voga sér!·         En síðar um daginn var bara pakkað niður og við biðum þar til við þurftum að fara út á flugvöll....já þessi bið fólst í því að nokkrar stúlkur ásamt Húlla (Halla og Lúlla) skelltu sér í mollið og var fólk mis hresst eftir þá verslunarferð!·         Ekki er annað hægt að segja en að þetta hafi verið svaka góð ferð og endaði hún á klakanum um 2 leytið aðfara nótt sunnudags! En nú tekur bara við skólinn en hann er nú alveg að verða búinn svo maður getur farið að hlakka til sumarsinsJÉ g bið bara að heilsa í bili og er farin að sofa!

Góða nótt og til hamingju með afmælið á morgun Halli (þriðjudagur 1. Apríl)

kíkið endilega inn á skagastelpur.bloggar.is og lesið nákvæma og ansi skemmtilega ferðasögu þar sem Kadý skrifaði að mestu leyti....hörku penni þar á ferð:)


SPÁNN

np: Romeo og Júlía - Bubbi Morthens.

Jæja það er kominn miðvikudagur og það styttist óðum í páskana og sem þýðir bara eitt....það styttist í SpánLoL

Þetta er búin að vera ótrúlega busy vika, ég er búin að vera á fullu að selja klósettpappír, og loksins er ég farin að sjá fyrir endann á þessu öllu saman. Svo fór ég til tannsa og ná mér í evrur í bankann og svona ýmislegt.

En þar sem ég er að fara til Spánar á laugardaginn þarf víst að fara að pakka niður, en ég veit ekkert hvað ég á að hafa með mér. Ætli takkaskór, sandalar, stuttbuxur, sólarvörn, íþróttatoppar, bikiní og PÁSKAEGG dugi ekkiWink

En það er sveitaball á föstudaginn....er ekki einhver stemming fyrir því?

Þetta fer að verða ágætt held ég....ég ætti kannski að fara að pakka niður og svonaCool


Skoðið þetta

Ég vil bara benda öllum á að fara inn á þessar síður og lesa umfjöllunina:)

Þú átt þetta svo sannarlega skilið ÁlfheiðurKissing og haltu áfram að vera dugleg:)

http://sant.blog.is/blog/sant/entry/467109/

http://skessuhorn.is/default.asp?sid_id=21464&tid=2&fre_id=69235&meira=1&Tre_Rod=001|011|&qsr

kv. Alla


Vísnabragur

Heyrðu það er kominn sunnudagur og svoldið síðan ég bloggaði síðast

Það hefur svo sem ekkert mikið gerst hjá mér nema síðasta vika einkenndist af lærdómi og fótbolta og sú næsta gerir það líka, en þá er komið páskafrí svo maður getur slappað afSmile

En það voru tveir leikir um helgina og var sá fyrri á móti HK/Víking í 2. flokki og gerðum við 1-1 jafntefli við þær sem telst nokkuð gott. Svo var leikur í kvöld þar sem meistaraflokkur tók á móti GRV en sá leikur fór ekki alveg eins vel og er ég ekki alveg með stöðuna á hreinu, ég var ekki í liðinu í kvöld en ég ætla mér að vera þar í næsta leik.

Þar sem Valdís Þóra litli golfari hefur komið því inn í hausinn á mér að semja vísur þá leyfði ég mér að semja eins og eina vísu um leiki helgarinnar, hún hljómar svona:

Við jafntefli við HK/víking gerðum,

en fyrir GRV við ósigur biðum.

Það besta við vona verðum,

á móti annars konar liðum.

En ég hef svo sem ekki mikið annað segja þar sem ég hef ekki hugsað um annað en ritgerðarskrif síðustu daga, en ef þið vitið um góðar heimildir um það afhverju Sarajevó var lögð í rúst í lok 20 aldar, þætti mér vænt um að það bentuð mér á þær;)

Góða nótt

Alla

 


Fimmtudagur

Ég vil byrja á því að votta öllum þeim sem þekktu Þorvald samúð mína, og vona að við getum öll lært af þessu slysi.

Eins og ég sagði í síðasta bloggi þá ætla ég helst ekki að tjá mig um það sem ég var að gera síðustu daga því það er ekkert allt of spennandi, að vísu ætla ég að segja ykkur aðeins frá fimmtudeginum mínumWink

Ég fór sem sagt á fyrirlestur hjá Freyju Haraldsdóttur um fötlun og fordóma. Ég verð bara að segja að hún gaf mér betri innsýn inn í líf fatlaðrar manneskju. Ég held að við getum öll verið stolt af Freyju fyrir framtak sitt, og líka það hvernig hún tekur því að vera fötluð manneskja, hún lætur ekkert stoppa sig og er alls ekki hrædd eða ósátt við að láta spyrja sig út í það afhverju hún er svona og svo framvegis.

Svo langar mig að koma með smá comment á leikrit NFFA "Algjör draumur". Jú þetta er fínasta leikrit, skemmtileg lög og fyndin atriði, en það er einn stór galli við þetta leikrit sem ég hef heyrt fleiri tala um og það er hversu langt og langdregið það er. Það eru einhverjir rétt tæpir 3 klukkutímar, og alls konar senur sem mér finnst að hægt sé að stytta eða jafnvel sleppa. En annars skemmtilegt leikrit.

En svo var árshátíð í gærkvöldi og var þetta hin fínasta árshátíð, góður matur og Sveppi og Auddi Blö voru frábærir veislustjórar. Svo var ballið með Í Svörtum Fötum sem var mjög skemmtilegt. Ég þurfti að vísu að fara heim með Önnu Heiðu um svona hálf 2 eða eithvað álíka (já ég er umhyggjusama vinkonan) því þessi yndislega manneskja skallaði hurðakarm (hornið á honum) og fékk skurð á hausinn. Það fossblæddi til að byrja með en svo stöðvaðist blæðingin og ég fór með hana heim og þvoði á henni hárið. Það versta er að Anna Heiða man lítið eftir þessu því þetta var algjör brandari. Hún fór hreinlega á kostum þegar verið var að skoða sárið og tékka hvort hún þyrfti að láta sauma þetta.

En ég held ég láti þetta gott heita og bendi bara á að það eru komnar inn nýjar myndir á http://myspace.com/allakr

| Alla


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband